مامل قلبك من زعلنا الى الحين

ما مل قلبك من زعلنا إلى الحين بنموت وإحنا ما عرفنا السعادة حرام يعني بالرضا نعيش يومين ولا إنت شاطر في الزعل والنكادة عطيتك أيامي مع القلب والعين خليت لك حضني حبيبي وسادة ماشي معك ما قد سألتك على وين مالي معك قوة ولا لي إرادة حبك في قلبي يا حبيبي له سنين وبعدك ترى ما نقص الحب زاده تبي الصراحة إثنيننا جد مخطين كل واحد فينا مصر بعناده ترى الزعل وارد ما بين المحبين بس الزعل ها المرة طول زيادة زعلت لك كم يوم طيب وبعدين إرجع قبل لا يصير ها البعد عادة