#136. Deh Muzîkên Min - 2023

Platforma muzîk û podcastan, Spotifyê lîstên 20223yan eşkere kirin. 

Gorey qeydên Spotifyê sala 2023yan ku li ser hev kî min tam 28 royan li muzîkê guhdarî kiriye ku li gor platformê ez guhdarekî rind im. 

Strana ku min tewrî zêde lêxistiye ji Soroush Malekpoor Ah Yalan Donya ye. Saleka ne xweş bû 2023. Min hêvîya xwe ji pir tiştan birrî, pir tişt bi min bêmehne û pûç hatin, dilê min pir şikest. Loma jî min pir xwe li vê stranê girt. 

Li rêza 2’yan ji Sezen Aksu - Kavaklar heye. Hez dikim ji vê stranê. Min hevalekî xwe re jî got, wasîyeta min e, ku ez mirim, piştî definkirinê tuyê li bendê bî ku herkes here, û tuyê vekî vê stranê du caran lêxî li ber tirba min. 

Strana li li rêza 3’yan jî bi dengê Soheyla Khaje ji hêla Îranê ye. 

Ez îsal pir çûm Dêrsimê hatim. Bihar havînê ku xulqê min teng dibe ez lêdixim darim Dêrsimê û li rê ez saz û stranên Elewîyan vedikim. Bi dengê Özlem Tanerê Şah Aşkına li rêza 4an e. 

Zeytin Gözlüma Tarkan li rêza 5an e. Min va strana tercûme jî kiribû. Bi qasî tê bîra min dayikekê ser kurê xwe yazi kiriye. Straneka rê ye. 

Hinekî ser muzîka Urfayê jî şixulîm ez îsal. Ez jî êdî tam zanim ku heqîqeten jî Urfa merkeza muzîkê ye. Ji şeveka bi dengê Kazancı Bedih û Seyfettin Sucu, Gözleri Fettan Güzel li rêza 6an e. 

Ji Radiodervish - Erevan li rêza 7an e. Çi dibêje nizanim, fehm nakim. Zanim stran straneka royeka eşqê ye. Wanî te dil daye, tu hez dikî, tu zanî ji te hez dike û li dinê çi dibe çi diqewime ne xema we ye. Bes eşq, bê şer bê kaos, hez û hurmet. 

Muzîkeka Çerkezan, muzîkeka Gokhan Şen li rêza 8an e. Bi min tim huznî tên muzîkên Çerkezan, nizanim ji çi ye. Di deng û rengê vê muzîkê de jî huzn heye. Kanim rûnim li ber bigirîm bi xem, bê xem. 

Ji Kazım Koyuncu hez dikim. ‘’Anılar Düştü Peşime’’ ekserî dema ez berbangan radibûm dimeşîyam min vedikir lê guhdarî dikir. Xatira hatin ketin bîra min, xew nekete çavên min, dibêje Kazım Koyuncu, stran li rêza 9an e. 

Li rêza 10an ji Yeni Türkü - İmkansız heye. Sala 2023yan heyat giran bû bo min, îmkan çi bûn, îmkan çûbûn. Muzîk, gava ji Dêrsimê vedigerî Diyarbekir û deng. Bira rê neqede, bira rê neqede, bira rê neqede.