Vesen býr til hamingju (Mugison í Hallgrímskirkju í Saurbæ 7. desember 2024)

Mugison er maður dagsins í dag. Hann hlaut Krókinn 2024 – viðurkenningu Rásar 2, fyrir framúrskarandi tónlistarflutning á árinu, eiginlega fyrir tónleikaferð ársins. 5. apríl í fyrra hélt hann tónleika í Súðavíkurkirkju – fyrstu tónleikarnir í 100 kirkjum í 100 póstnúmerum í fyrra, Tónleikaröðina kláraði hann í Hallgrímskirkju í Reykjavík skömmu fyrir jól, þá búinn að spila í 100 kirkjum í 100 póstnúmerum á rétt um níu mánuðum sem er magnaður árangur og skemmtilegt uppátæki. Mugison tók upp tónleika númer 97 í Hallgrímskirkju í Saurbæ, fyrir sig og Rás 2. Rokkland var á tónleikunum og tók Mugison tali fyrir og eftir tónleika. Við heyrum það og alla tónleikana í Rokklandi dagsins.