OPEN HEAVENS
MATALA LE LAGI MO LE ASO LULU 7 AOKUSO 2024
(tusia e Pastor EA Adeboye)
Manatu Autu: O le Atua fai vavega (The miracle working God)
Tauloto -Tusi Paia– 2 Tupu 6:5 “‘Ona fai mai lea o le tasi, “Se‘i tatou ō ma i matou o au ‘au‘auna.” ‘Ona fai atu lea o ia, “Tatou te ō lava.” ‘Ua ta e le tasi le la‘au, ‘ona pa‘ū ‘ese lea o le uluto‘i i le vai; ‘ona ‘alaga lea o ia, ‘ua fa‘apea mai, “Auē! le ali‘i e; auā o le mea nonō.”
Faitauga - Tusi Paia: 2 Tupu 6:1-7
E tutupu vavega pe afai e faaleaoga e le Atua tulafono e gaoioi ai natura o mea. Mo se faataitaiga, ina ua savali Iesu i luga o le vai, na ia faaleaogaina tulafono e fegaoioioi ai mea fai tino (gravity). O le tele o taimi e faigata ona faamatala se vavega i se tagata e le iloa le Atua aua o loo e tamaufai e faatamatala tulafono o natura o mea ua le gaoioi i lea taimi. O le talalelei lenei, e le afaina po’o a tala a le lalolagi, o lo’u Tama o le Atua fai vavega, ma e tutupu vavega pe afai e galue mai o ia i la’u mataupu.
I le 2 Tupu 6: 1-7, ao galulue le fanau a le perofeta e tata laau e fai ai le fale mo I latou, na pau le uluto’i a se tasi o’i latou i le vai, ma ua ia alaga ma tagi mai ia Elisaia. Na tagi lenei alii aua ua ia iloa, o se mea mamafa e pei o le ulutoi, a pau i le vai, e goto i le alititai . Ua ia iloa foi, e leai seisi e mafai ona aau seia pai I Le alititai e toe aumai I luga le ulutoi. Ua manatu ua afu o ia, ae faafetai, na ia valaau I Le sui o le Atua fai vavega i le lalolagi nei mo se fesoasoani. Ina ua afio atu le Atua fai vavega I lenei tulaga, na maua le faamoemoe. Na pau le mea na faia e Elisaia, na ia feliuaina tulafono o le natura o mea. Na ia tuua se fasi laupapà i le vai, na oo I le alititai, ona toe opeapea ai lea o le uluto’i. O le Atua fai vavega e mafai ona ia toe feliuaina tulafono o le natura o mea i soo se tulaga ua leai se faamoemoe i Lou olaga I le aso, I le suafa o Iesu.
E te manaomia se vavega? O e iai i se tulaga o loo e iloa e pau le auala mo oe pe a afio atu le Atua? Pau le mea e te faia o le valaau ia te ia I le aso. Aua e te taumafai e faavasega mea uma I lou poto, faavanoa se taimi e te valaau atu ai i le Atua ona faatali lea sei e faalogo I se upu mai ia te ia. E leai se mea e mafai e fomai pe afai o loo feagai ma se ma’i ua leai se togafiti, ae o le Atua fai vavega, e leai se ma’i e le mafai ona ia faamaloloina. Afai ua le aoga se totoga o le tino ona o le ma’i, e mafai ona ia toe suia I se totoga fou aua o ia an faia le tagata. E iai se tulaga tau tupe ua matua faigata lava, e oo I tagata popoto i le fuafuaina o tupe ua le mafai ona latou maua se fofo, ae e mafai e lou Atua ona saunia tupe mai le gutu o se i’a e fofo ai faafitauli tau tupe. Le au pele, valaau ia te ia I le aso ona faataga lea o le Atua e faia se vavega I lou olaga.
Tatalo
Tama, faamolemole afio mai i lou ola ma liua mea uma e matua faigata ona taunuu, i mea e faigofie ona ausia, i le suafa o Iesu, Amene.