ምሉእ ትሕዝቶ ኤስ ቢ ኤስ ትግርኛ (17 ሰነ 2024)

ንሎሚ ሰኑይ 17 ሰነ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ልኡኽና ዝሰደደልና ጸብጻብ፡ በዓል ዒድ ኣልኣድሓ ኣልሙባረክ፡ ኣብ መቐለን ኣስመራን ብኽብ ዝበለ መዓርግ ከም ዝተብዓለ ተሓቢሩ። መበል 61 ዓመት ምምስራት ሕብረት ኣፍሪቃ፡ ኣብ ኣስመራ ተዘኪሩ። ኣብ ትግራይ ዘሎ ተበግሶ ልምዓት ኣብ ነበርቲ ተስፋ ከም ዝፈጠረ ተገሊጹ። ኣብ ኢትዮጵያ ካብ ወፃኢ ብዝተላእኸ ገንዘብ ዝተጠረየ ቅብሊት ዘይብሉ ዝኾነ ይኹን ንብረት ንምውራስ ረቂቕ ሕጊ የውጽእ ከም ዘሎ ተሓቢሩ። ኣብ ኢትዮጵያ ኣብ መንጎ ክልላት ዓፋርን ሶማልን ሓድሽ ግጭት ከም ዝተወልዑ ተሓቢሩ። ዝብሉን ካልእን ዝሓዘ ጸብጻብ ል ኡኽና ክቐርብ እዩ። ብዛዕባ ገንዘብ፡ ልቓሕ፡ መንበሪ ገዛ ምግዛእን ዝተተሓሓዘ ሓድሽ መደብ፡ ገንዘብን ህይወትን ዝብል ከነቕርብ ዝሓለፈ ሰሙን ከምዝጀመርና ዝፍለጥዩ ሎሚ ድማ ምጅማር ን ኡስ ዋኒን ኣብዝብል ዛዕባ ዝሃዘ መደብ ቀሪብና ኣለና። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ኣርእስታት ዜና፥ ኣብ መላእ ዓለም ዝርከቡ ኣመንቲ እስልምና ንዒድ ኣል ኣድሃ ፡ የብዕሉ ኣለዉ ። ኣብ ቪክቶርያ ፡ መንግስቲ ኣብ 2051 ኣብ መላእ እታ ግዝ ኣት 2.5 ሚልዮን መንበሪ ኣባይቲ ንምውሳኽ ውጥን ኣውጺኡ ኣብ ኢትዮጵያ ኣብ መንጎ ክልላት ዓፋርን ሶማልን ሓድሽ ግጭት ከም ዝተወልዑ ተሓቢሩ።