ቀጥታ ምሉእ ትሕዝቶ ኤስ ቢ ኤስ ትግርኛ (19 ታሕሳስ 2024)

ቀጥታ ምሉእ ትሕዝቶ ኤስ ቢ ኤስ ትግርኛ (9 ጥሪ 2024) * ገለ ካብ ናይ ሎሚ ጸብጻባት ዜና - ፕረዚደንት ኢሳይያስ ኣፈወርቂ ምስ ሓያለ ኣምባሳደራት ወጻኢ ተዘራሪቡ፣ ኣብ ትሕቲ ግዝያዊ ምምሕዳር ትግራይ ዝርከባ 451 ኣብያተ ትምህርቲ 8ይ ክፍሊ ቀዳማይ ዙር ፈተና ክህባ ጀሚረን፣ ብዶክተር ደብረፅዮን ገብረሚካኤል ዝምራሕ ህወሓት መድረኽ ላዕለዎት ኣመራርሓ የሳልጥ፣ ሕብረት ኤውሮጳ፡ ማያት ባሕሪ ቀርኒ ኣፍሪቃ ንምሕላው ዘዋፈሮ ሓይሊ ባሕሪ ንተወሳኺ 2 ዓመታት ከምዘናውሖ ኣፍሊጡ፣ * ኣውስትራልያ ንወሰኽ ቁጽሪ ጸረ-ሴማዊ መጥቃዕታት ምላሽ ኣብ ትህበሉ ዘላ እዋን፣ ጽልኢ እስላም ዘበገሶም ተግባራት'ውን ሰማይ ከይዶም ኣለዉ። ገለ ደቀንስትዮ ካብ ገዝአን ክወጻ ንፈርሕ ኣለና ይብላ፣ ንድሕነት ህጻናት ኣብ ቤት ትምህርታት'ውን ፍርሒ ፈጢሩ ይርከብ። ነዚ ዝምልከት ትሕዝቶ * ቃለመሕትት - ኣብ ዝሓለፉ ሒደት ዓመታት መንግስቲ ግዝኣት ቪክቶርያ ነቶም ብዙሓት ካብ ኣባላት ማሕበረሰብ ኤርትራ፡ ኢትዮጵያን ካልኦትን ዝነብሩሎም ኣብ 60ታት ዝተሃንጹ ህዝባውያን ሰማይ ጠቀስ ህንጻታት ከፍርሶም መደብ ሒዙ ክሰርሓሉ ጸነሑ'ዩ። ነበርቲ`ቶም ህንጻታትን ተጣበቕትን ግን ንከይፈርሱ ይከላኸሉን ይማጎቱን ኣለዉ። ሓደ ካብ መራሕቲ ማሕበረሰብን ጋዜጠኛን ዝኾነ ኣቶ ብርሃን እስማዒል ጃብር ነዚ ጉዳይ ካብ ፈለምኡ ክከታተሎን ኣብኡ ክሳተፍ ዝጸንሐን ኤርትራዊ ኣውስትራልያዊ`ዩ። ኣብ`ዚ ቀረባ ግዜ ቤት ፍርዲ ዝረኣዮ እዚ ጉዳይ ብሓፈሽኡ እንታይ ይመስልን ኣብ ምንታይ በጺሑ’ሎን መብርሂ ሂቡና`ሎ። (ቀዳማይ ክፋል) * ግዳም ሓደር እንተኾይንኩም ወይ ከምኡ ከጋጥመኩም ኣብ ሓደጋ እንተሃሊይኹም ናብ ውሑስ ቦታ ክትከዱ ንመን ትሓቱ ምፍላጥ ከጸግመኩም ይኽእል'ዩ። ኣብ ኣውስትራልያ፣ ኣብ ዝኾነ ቦታ ሃልዉ ብዘየገድስ፣ ኣብ ግዜ ቅልውላው ወይ ጸገም መጽለሊ ክትረኽቡ ዝሕግዝኹም ኣገልግሎታት ደገፍ ኣለዉ። ኣብ’ዚ ንኣውስትራልያ ንገልጸሉ ትሕዝቶ ኣብ ጸገም ኣብ ትወድቅሉን መዕቆቢ/መጽለሊ ኣብ ዘድልየኩምን ህጹጽ ሓገዝ ትረክቡሎም ኣማራጺታት ክፍትሽ'ዩ።