Rokkland

Í Rokklandi í dag heldur Elvar Freyr Elvarsson áfram að segja okkur sögu bandarísku hljómsveitarinnar Hüsker Dü Í fyrri hluta þáttar dagsins koma Músíktilraunir við sögu – en fyrsta undankvöld af fjórum er i kvöld í Norðurljósum í Hörpu kl. 19.30. Aldrei fór ég suður kemur við sögu líka, en Músíktilraunir og Aldrei fór ég suður tengjast. Aldrei-stjórinn Mugison og Björgvin Gíslason tengjast líka og þeir koma báðir aðeins við sögu líka – og annað fólk.

Mál málanna í Rokklandi í dag er bandaríska pönkrokksveitin Hüsker Dü. Elvar Freyr Elvarsson er gestaumsjónarmaður í Rokklandi og segir okkur frá þessari merkilegu sveit. Hann hafði uppi á bassaleikaranum Greg Norton og spjallar við hann í þættinum auk þess að segja sögu Hüsker Dü. Það er í seinni hluta þáttarins. Í Fyrri hlutanum er músík úr ýmsum áttum.

Rokkland verður Reggíland á sunnudaginn kemur, en þátturinn verður tileinkaður gosögninni Bob Marley; tónlist hans og arfleið. Freyr Eyjólfsson leysir Óla Palla af og fer yfir sögu þessa áhrifaríka listamanns og ræðir við Kidda í Hjálmum. Bob Marley í Rokklandi á sunnudag klukkan 16:00.

Við förum í tónlistarferðalag til Bandaríkjanna í þættinum í dag og sögumaður er Gunnlaugur Sigfússon sem sá um þáttinn Plötuskápinn hérna á Rás 2 ásamt Halldóri Inga Andréssyni og Sigurði Sverrissyni fyrir nokkrum árum. Gulli og vinur hans Finnbogi Marinósson fóru saman í músík-bíltúr um Bandaríkin í fyrra og heimsóttu staði semþeir höfðu lesið um í músíkblöðum og bókum síðan þeir voru unglingar. Þeir óku 8.000 kílómetra, fóru til Memphis, Clarksdale, Nashville, Chicago og Muscle Shoals til dæmis.

Rokkland í dag er að mestu helgað Laufey Lin Jónsdóttur sem hefur slegið í gegn um allan heim á eigin forsendum og að mestu heiman frá sér. Hún hlaut Grammy verðlaun sunnudaginn fyrir viku í flokknum Best Traditional Pop Vocal Album. Þau sem hafa hlotið þessi sömu verðlaun er fólk eins og Tony Bennet, Frank Sinatra, Joni Mitchell, Rod Stewart og Paul McCartney. Laufey ólst upp í Reykjavík og Washington DC. Hún fór í Versló og þaðan til Berkeley school of music í Boston á skólastyrk. Hún útskrifaðist á netinu í Covid og sló svo í gegn á netinu með myndböndum sem hún póstaði á samfélagsmiðla. Hún býr í Los Angeles en er á leiðinni til Íslands til að spila þrjú kvöld í röð í Eldborg í mars, en þeir tónleikar eru liður í hátt í 100 tónleika-túr um Bandaríkin og Evrópu. Halla Harðardóttir spjallaði við Laufey í desember fyrir þáttinn Undir álögum sem var á dagskrá Rásar 1 um jólin. Rokkland fékk góðfúslegt leyfi til að nota brot úr því viðtali í þátt vikunnar dagsins. Joni Mitchell og fyrstu Grammy verðlaunin (1959) koma líka við sögu í dag.

Í Rokklandi dagsins eru í aðalhlutverki tveir ólíkir tónlistarmenn: Dundur (Guðmundur Höskuldsson) frá Neskaupsstað sem sendi frá sér plötuna Tilvera síðasta haust, intrumental-plata þar sem gítar og Hammond-orgel eru í aðalhlutverki, og svo Patri!k (Prettyboitjokko) frá Hafnarfirði sem heldur betur kom, sá og sigraði á árinu sem leið.

Valur Gunnarsson kemur í heimsókn og við veltum fyrir okkur pælingunni: Hvað ef Bítlarnir hefðu aldrei verið til? Valur skrifaði um það í bók sem kom út í fyrra. Rúnar Þórisson var að senda frá sér plötuna Upp Hátt og hann kemur í heimsókn og við heyrum nokkur lög af plötunni.

Í Rokklandi dagsins er Orri Harðarson fyrirferðarmestur, en núna 1. október s.l. voru liðin heil 30 ár frá Því að fyrsta platan hans, Drög að heimkomu, kom út. Orri varð með útgáfu þessarar plötur yngstur Íslendinga til að gera sólóplötu með eigin lögum og hann var útnefndur "Nýliði ársins" á Íslensku tónlistarverðlaununum þegar þau voru afhent í fyrsta sinn, 1994. Orri sem var útnefndur bæjarlistamaður á Akureyri 2017 hefur sent frá sér 5 stórar plötur, skrifað skáldsögur og aðrar bækur, spilað með hljómsveitum, stjórnað uppötum á fjölmörgum plötum og svo framvegis. Orri heimsótti Rokkland á Akranes í vikunni og við spjölluðum saman um heima og geima en fyrst og fermst um þessa fyrstu plötu hans. Unglingahljómsveitirnar Rolling Stones og Teengae Fanclub koma líka við í þætti dagsins - sem má svo alltaf heyra á ruv.is og í Rúv spilaranum. Hvað ætti Rúv spilarinn annars að heita? Þessi sem við erum með í símanum...

Ellen Kristjáns og Steini Hjálmur og Una Torfa eru gestir Rokklands í dag. Við spjöllum saman og þau ætla að syngja og spila fyrir okkur í std. 12. Una er ein af okkar björtustu vonum, lagið hennar Fyrrverandi er eitt af lögum ársins 2022 að mrgra mati og lagið hennar En var mest spilaða lagið á Rás 2 í sumar. Una er að gera fyrstu stóru plötuna sína og framtíðin er björt hjá þessari ungu frábæru konu. Ellen og Steini eru að fara að spila saman á tónleikum í Fríkirkjunni rétt fyrir jól sem heita Jólafrí. Þetta eru jólatónleikar þar sem eiginlegum jólalögum er sleppt en meiri áhersla lögð á jólaleg lög. Auk þeirra koma þar fram eins og Ólöf Arnalds og Skúli Sverris, Systur, Þorleifur Gaukur og Kári Stefánsson. Ellen og Steini flytja í þættinum jólalag sem Ellen hefur bara einu sinni sungið síðan hún söng það inn á jólaplötu þegar hún var 19 ára. Una syngur jólasálm í þættinum í bland við sín eigin lög. Aðrir listamenn sem koma við sögu eru; Tracey Thorn, Ólöf Arnalds, R.E.M. Teinar, Bob Dylan, Joni Mitchell og Dr. Gunni.

Það þekkja allir landsmenn Herbert Guðmundsson, söngvarann og gleðigjafann Herbert Guðmundsson. Hann er búinn að vera að syngja og skemmta fólki við allar mögulegar kringusmstæður áratugum saman. Herbert kom fram á stóra sviðinu á Þjóðhátíð í fyrsta sinn núna í ár og var gríðarlega vel tekið. Hann var vinsæll á níunda áratugnum þegar hann gaf út lagið Can't walk away sem hefur fylgt honum allar götur síðan, en hann var líka að syngja með vinsælum hljómsveitum fyrir rúmri hálfri öld. En hver er maðurinn?

Ásgeir Eyþórsson leysir Óla Palla af í þætti dagsins. Ásgeir fer yfir feril breska tónlistarmannsins Lloyd Cole sem á dögunum gaf út sína elleftu sólóplötu.

Iron Maiden kemur aðeins við sögu í Rokklandi dagsins, en sjötta platan þeirra, Somewhere in time er 30 ára um þessar mundir og sveitin ætlar að túra aðeins um Bretland og nokkur Evrópulönd næsta sumar. Hljómsveitin Leaves fagnar 15 ára afmæli sínu í ár og af því tilefni hljóðritaði sveitin aftur fyrsta lagið sem varð til, titillag fyrstu plötunnar sem kom út árið 2002 og heitir Breathe. Við heyrum það á eftir, rifjum upp 14 ára gamalt Popplands-viðtal við Leaves, heyrum tónleikaupptökur með þeim frá Eurosonic Festival 2002 og Reykjavík Tropic Festival í Reykjavík 2006. Suede er að koma til Íslands í annað sinn og spila í Laugardalshöll 22. Október. Suede spilaði í Laugardalshöll á annari Airwaves hátíðinni árið 2000. Við heyrum upptökur Rásar 2 þaðan með Suede og líka 2 lög af nýju plötunni. Quarashi spilaði á Nasa í ágúst. Tónleikarnir voru teknir upp fyrir Rás 2 og við heyrum brot af því og líka frá útgáfutónleikum Svavars Knúts sem fóru fram í Gamla bíó í otkóber í fyrra. Billy Bragg er kjaftfor en hjartahlýr og vinstrisinnaður Englendingur, orðinn gráhærður en í fínu formi. Hann hefur gert nokkarar fínar plötur, t.d. tvær plötur og rúmlega það reyndar með Bandarísku hljómsveitinni Wilco en þar sömdu hann og Wilco lög við texta Woody Guthrie sem engin lög voru til við. Núna í síðustu viku var hann að senda frá sér ansi merkilega plötu ? ásamt öðrum náunga sem heitir Joe Henry og meðal annars mágur Madonnu. Platan heitir Shine a Light: Field Recordings from the Great American Railroad. Þeir bókuðu far með járnbraut yfir Bandaríkin þver, frá Chicago yfir til Los Angeles með Texas Eagle 421 Amtrak, höfðu gítarana sína með og upptökutæki og upptökumann og tóku upp flækingslög og lestarsöngva úr Bandarísku söngvabókinni á lestarstöðvum. Heyrum af þessu í þætti vikunnar. Stærsta tónlistarfrétt vikunnar hér á Íslandi er sú að Björk ætlar að spila á Iceland Airwaves í Eldborg í nóvember. BJörk kemur við sögu í þætti dagsins. Lagalisti þáttarins: Björk / Lion song Björk / Virus Björk / All is full fo love Suede / The wild ones Suede / Everything will flow Suede / When you are young Suede / What i´m trying to tell you Leaves / Catch Leaves / I go down Leaves / Breathe Quarashi / Chicago Quarashi / Mr. Caulfield (live á Nasa) Quarashi / Baseline (live á Nasa) Billy Bragg / A new England Billy Bragg & Joe Henry / Rock Island line Billy Bragg & Joe Henry / Midnight special Billy Bragg & Joe Henry / Early morning rain Svavar Knútur / Yfir holt og yfir hæðir (Live í Gamla bíó) Svavar Knútur / Brot (Live

Rokkland fer í víða í dag - ég segi það satt. Iggy Pop og Stooges koma við sögu en leikstjórinn Jim Jarmusch er búinn að gera heimildarmynd sem heitir Gimme Danger og Bíó Paradís ætlar að sýna hana innan skamms. Pixies koma við sögu, Muse, Paul Simon, Peter Gabriel, Van Morrison, Bob Weir úr Grateful Dead og Hope Sandoval úr Mazzy Star. Svi förum við til Sviss og heyrum í náunga sem heitir Julian Gross og starfar við tvær stærstu tónlistarhátíðirnar í Sviss, Label Suisse sem fór fram núna í september í Lausanne, og svo Paleo sem var í sumar. Julien segir okkur frá þessum hátíðum og við kynnumst Björk þeirra í Sviss, ungri konu sem heitir Sophie Hunger. Svissneska hljómsveitin Yello kemur líka við sögu en það var að koma út ný plata með Yello. Og svo eru það sjálfir Bítlarnir, en það var að koma út tónleikaplata sem hefur að geyma tónleikaupptökur frá 1964 og 1965 sem voru gerðar í Hollywood Bowl. HLuti af þessum upptkum kom út á einu tónleikaplötu Bítlanna árið 1977, en hún hefur aldrei verið gefin út aftur, fyrr en núna og með nokkrum aukalögum. Tilefnið er heimildarmynd sem heitir Eight days a week ? the touring years og var frumsýnd í september. Hér er lagalisti þáttarins: The Beatles / She loves you The Beatles / Can´t buy me love The Beatles / A hard days night The Beatles / I wanna hold your hand Iggy & Stooges / No Fun Utangarðsmenn / I wanna be your dog Aaron Lee Tasjan / Little movies Pixies / Classic Masher Pixies / All i think about now Hope Sandoval & The Warm Inventions feat. Kurt Vile / Let me get there Bob Weir / Lay my Lily down Pal Simon / The Warewolf Van Morrison / Let it rhyme Van Morrison / Every time i see a river Sophie Hunger / Mad miles Sophie Hunger / Superman woman Sophie Hunger / Die ganze welt Patent Ochsner / Scharlachrot Muse / Mercy Yello / Limbo Yello / 30.000 days

Um síðustu helgi fór fram tónlistarhátið í Lausanne í Sviss sem heitir Label Suisse og Rokkland var á staðnum. Já í seinni hluta þáttarins á eftir skreppum við til Sviss og heyrum soldið af nýrri poppmúsík frá Sviss sem hann velur ofan í okkur náungi sem heitir Francois Kuffer og tónlistarstjóri hjá "Rás 3 ? útvarpi unga fólksins hjá Frönskumælandi Sviss (RTS ? Radio and Telvision Suisse). Label Suisse gengur út á að kynna það nýjasta og besta í Sviss sem hefur eiginlega að geyma fjórar þjóðir sem tala fjögur tungumál í einu litlu landi. Bruce Spingsteen og U2 koma við sögu í þættinum en bæði U2 og Springsteen bauluðu á Donald Trump í vikunni sem leið með þeim hætti að heimurinn tók etir því og sperrti eyrun, U2 gerði það á fyrstu tónleikum sínum á árinu, en þeir fóru fram í Las Vegas á föstudaginn. Danska hljómsveitin Tremolo Beer Gut spilaði á KEX-hostel á fimmtudaginn og svo í Boston (USA) um helgina. Þessi skemmtilega gítar-sörf-sveit frá Kaupmannahöfn heimsótti stúdíó 12 á föstudaginn og við heyrum það í Rokklandi dagsins og svo samskonar upptökur frá BBC með Led Zeppelin sem voru að koma út fyrir nokkrum dögum, upptökur sem voru gerðar á árunum 1969 ? 1971, en á þeim tíma kom Zeppelin 6 sinnum í upptöku hjá BBC fyrir hina ýmsu þætti, t.d. fyrir John Peel. Svo er líka í þættinum boðið upp á nýja músík með Mugision, Leonard Cohen, The Weeknd og Daft Punk og Keane. Hér er lagalisti þáttarins: Mugison / I´m a wolf Led Zeppelin / Something else (live á BBC) Led Zeppelin / Communication Breakdown (live á BBC) Led Zeppelin / What is and what should never be (live á BBC) Tremolo Beer Gut / Caipirihna river cruise (Stúdíó 12) Tremolo Beer Gut / Claytons Hotrod (Stúdíó 12) Tremolo Beer Gut / n/a (Stúdíó 12) Bruce Springsteen / Indipendance day U2 / Desire Patti Smith / Until the end of the world Keane / tear up this town / Keane The Weeknd feat. Daft Punk/ Starboy Sophie Hunger / Supermoon (Sviss) Paul Gamboni / Paul (Sviss) Reykjavíkurdætur / Tista (Sviss) OY/ Space Diaspora (Sviss) The Rambling wheels / Stories upon your lips (Sviss) Verena Von Horsten / The hymn (Sviss) Kaedebostany / Frozen to death (Sviss) Leonard Cohen / You want it darker

Sögumennirnir Egill og Jakob frímann segja frá í dag, Við heyrum í þættium í dag dálítið af nýrri músík með sveitum og listamönnum eins og Coldplay, Travis, Biffy Clyro, Placebo , Red Hot Chili Peppers og Gary Clarke jr, en svo heyrum við líka tvær magnaðar sögur frá tveimur Stuðmönnum. Jakob Frímann segir okkur fyrst sögu þar sem koma við sögu Joni Mitchell, Leonard Cohen, Ámundi Ámundason, Anna BJörns, hljómsveitin Ýr frá Ísafirði, hljómsveitin Easybeats frá Ástralíu, hann sjálfur og Sharon Robinson frá Los Angeles. Egill Ólafsson segir okkur svo sögu af flóttamönnum í þýskalandi ? en líka þýsk-íslenskri hljómsveit sem hann er í og er búin að gefa út plötu, og er að fara í ferðalag um landið núna í september. þetta er 8 manna band og ætlar að spila á Seyðisfirði, í Reykjavík, á Bifröst, á Egilstöðum, Laugum og á Akureyri á Græna hattinum. Hér er lagalistinn: Biffy Clyro / Howl Coldplay / A head full of dreams Stuðmenn / Andafundurinn mikli Ýr / Stálfjörður Jakob Magnusson / Horft í roðan Joni Mitchell / Shadows and light ? Edith and the kingpin Easybeats / Friday on my mind Diana Ross / Summertime has gone Joni Mitchell / Both sides now Leonard Cohen / Everybody knows Sharon Robinson / Everybody knows Leonard Cohen & Sharon Robinson / Boogie street King Harvest / Dancing in the moonlight Travis ásamt Josephine Onyama / Idlewild Gary Clarke jr. / Take me down Strom und Wazzer / Orpheus Strom und Wazzer / Keisarinn Strom und Wazzer / Lavamadchen Strom und Wazzer / Fjögur göt Strom und Wazzer / Búðingur ? Der Geist kann immer / S&W / 3.15 / Traumton Records Strom und Wazzer / Heima Strom und Wazzer / Kapitalism Red Hot Chili Peppers / Go robot Beach Boys / God only knows

Í Rokklandi vikunnar er boðið upp á brot af því besta sem var spilað og sungið á Tónaflóði Rásar 2 á Arnarhóli á Menningarnótt. Fyrst á svið var Glowie ? Sara Pétursdóttir sem sigraði í Söngkeppni framhaldsskólanna árið 2014 þegar hún var 17 ára gömul, en nýjasta lagið hennar fór akkúrat á toppinn á vinsældalista Rásar 2 á laugardaginn, lagið heitir No lie. Á eftir henni komu fánaberar íslenska rappsins ? Úlfur Úlfur og Emmsjé Gauti sem buðu svo Kött Grá Pjé og Aron Can í heimsókn. Bubbi Morthens var næstur aleinn með gítarinn sinn, og svo var í lokin boðið upp á atriði með Ísfirskri og vestfirskri tónlist. Halldór Gunnar Pálsson frá Flateyri, sá sem samdi þjóðhátíðarlagið í ár og samdi líka Þjóðhátíðarlagið Þar sem hjartað slær sem er orðið einskonar þjóðsöngur eyjamanna. Og hann er líka sá sami og fór í kringum landið fyrir nokkrum árum og sameinaði Íslensku þjóðina í söng. Hann fékk 30.000 manns til að syngja inn á eitt og sama lagið ? lagið Ísland. Halldór er líka foringi og kórstjóri Fjallabræðra ? og hann fékk með sér hljómsveit, BG og Ingibjörgu, Mugison, Helga BJörns og fleiri. Lagalisti: Glowie / One day Glowie / No more Glowie / No lie +++++++++++ Úlfur Úlfur / 100.000 Úlfur Úlfur feat Kött Grá Pjé / Brennum allt Emmsjé Gauti / Djammæli Emmsjé Gauti feat. Aron Can / Silfurskotta +++++++++++ Bubbi / The sky is crying Bubbi / Fallegur dagur Bubbi / Smukke unge mennesker (Kim Larsen) Bubbi / Stál og hnífur Bubbi / Rómeo og Júlía +++++++++++ Fjallabræður og Sólstafir / Fjara Mugison Fjallabræður og Sólstafir / Ljósvíkingur Fjallabræður og Lára Rúnars / In between Fjallabræður og Reynir Guðmundsson / Hey kanína Fjallabræður og Mugison og Rúna / Gúanóstelpan Fjallabræður og Mugison / Stingum af Fjallabræður og BG og Ingibjörg / Þín innsta þrá Helgi Björns / Kókos og engifer Fjallabræður og Helgi Björns / Þúsund sinnum segðu já Fjallabræður og Helgi Björns / Húsið og ég Fjallabræður og BG og Ingibjörg / Góða ferð

Í fyrri hluta þáttarins heyrum við 30 ára gamalt viðtal sem Vilborg Halldórsdóttir fjölmiðja og leikkona með meiru og eiginkona Helga Björns tók við sjálfan myrkrahöfðingjann Nick Cave þegar hann heimsótti Ísland í fyrsta sinn árið 1986. Cave sem þá var 29 ára gamall og búsettur í Berlín fór með Vilborgu í bíltúr um borgina og þau stoppuðu í Öskjuhlíðinni og spjölluðu þar saman um plötuna sem þá var nýjust; Kicking against the pricks, um tónlistarlífið í Ástralíu og tónleikana sem fóru fram kvöldið áður á skemmtistaðnum Roxzy (síðar Safari og Casablanca m.a). Viðtalið hefur aldrei verið birt í heild sinni en ég fékk leyfi til að birta það í Rokklandi í dag. Viðtalið fannst á segulbandsspólu í bílskúrnum hjá Helga og Vilborgu þegar þau voru að taka til sl. vor. Við rifjum líka upp fyrstu heimsókn hljómsveitarinnar Quarashi í Rokkland haustið 1997 ? en þá var Quarashi splunkuný hljómsveit og nýbúin að senda frá sér fyrstu fimm laga plötuna. Sölvi var þá 22 ára og Hössi 19. Quarashi spilaði fyrir fullu húsi á NASA í gærkvöld og stemningin var heit og sveitt. Elvis kemur lítillega við sögu og svo Iron Maiden, en nýjasta platan þeirra Book of Souls kom út fyrir ári, eftir að söngvarinn og flugstjórinn Bruce Dickinson var búinn að jafna sig eftir krabbameinsmeðferð en hann var með krabbamein í tungunni sem er ekki sérlega heppilegt fyrir söngvara í þungarokkshljómsveit. Að meðferð lokinni fór sveitin svo í tónleikaferð um allan heim þar sem spilaðir voru 72 tónleika í 36 löndum fyrir eina og hálfa milljón aðdáenda. Síðustu tónleikarnir fóru fram á Wacken þungarokkshátíðinni í Þýskalandi um síðustu helgi. Þeir voru sendi út beint í sjónvarpi og á netinu og við heyrum aðeins a því og lög af Book of Souls.

...í gömlum glæðum segir máltækið. Hljómsveitin Quarashi kom eins og stormsveipur inn í íslenskt tónlistarlíf fyrir 20 árum síðan. Þetta er mikið notaður frasi og hann er sannur í þessu samhengi, ?Quarashi kom, sá og sigraði. En Quarashi hætti síðan og til minningar um hljómsveitina og feril hennar kom út safnplata árið 2011 sem heitir Quarashi Anthology. En þrátt fyrir að Quarashi hafi þakkað fyrir sig og hvatt fyrir rúmum áratug hafa þessir gaurar sýnt það í verki að lengi lifir í gömlum glæðum og það er oft erfitt að slökkva alveg. Og á meðan það er glóð þarf ekki nema örlítinn andvara til að hleypa upp neistaflugi þannig að úr verður heilmikið bál. Og Quarashi logaði glatt á Þjóðhátíð í Eyjum um síðustu helgi, sveitin spilaði á laugardagskvöldinu fyrir fullum dal af fólki, það eru tónleikar á NASA næsta föstudagskvöld, fyrr í sumar sendi Quarashi frá sér nýtt lag og myndband og það er hugsanlega plata á leiðinni. Þeir eru gestir mínir í Rokklandi í dag þeir Sölvi og Steini úr Quarashi.

...daginn eftir og upphituð - Í Rokklandi dagsins heyrum við brot frá Bræðslunni 2016 sem fór fram í gær á Borgarfirði eystri í 12. sinn í gær. Rás 2 hefur sent út beint frá Bræðslunni allar götur síðan 2006 þegar Emiliana Torrini kom fram á Bræðslunni í annað sinn og dró þá vini sína frá Skotlandi - Belle & Sebastian með sér. Þessi skemmtilega tónlistarhátíð fæddist eiginlega að sjálfu sér þegar Emiliana Torri hélt litla tónleika heima í gömlu sveitinni sinni sem hún dvaldi í hjá ömmu sinni á sumrin þegar hún var krakki. Í dag er Bræðslan einn af skemmtilegustu tónlistarviðburðum ársins og árið í ár er 11 árið þar sem sent er út beint á Rás 2. Þar að auki var sent út í mynd á RUV 2 líka - annað árið í röð. Listamennirnir sem komu fram á Bræðslunni í ár eru þessir og í þessari röð: Soffía Björg David Celia Tina Dickow og Helgi Hrafn Gavin James Amabadama KK Band Nýdönsk Við heyrum brot af öllum tónleikum gærkvöldsins nema Ný Dönsk í Rokklandi dagsins. Þeir tónleikar verða endurteknir í heild sinni síðar (fljótlega). Umsjónarmaður á Bræðslunni var Matthías Már Magnússon og hljóðmaður Haffi Tempó.

Tónlistarhátíðin Secret Solstice fer fram núna um helgina í þriðja sinn og Rokkland er á staðnum. Hátíðin hefur stækkað gríðarlega síðan hún var sett á laggirnar árið 2014 og líklega eru gestir Secret Solstice í ár um 15.000. Mestur spenningur var fyrir tónleikum bresku hljómsveitarinnar Radiohead á föstudaginn, en sveitin sem er búin að vera starfandi í rúm 30 ár hefur aldrei áður komið til íslands, amk, ekki til að spila. Ég hitti allskyns fólk í Laugardalnum um helgina og við heyrum af því í þættinum í dag, bæði tónleikagestir aðstandendur. Ég ræddi við fólk fyrir tónleika Radiohead og ræddi líka við tónleikagesti strax að tónleikum loknum. Við heyrum líka upptökur frá hátíðinni með Axel Flóvent t.d. Jack Magnet kemur við sögu, Sister Sledge, Radiohead, Deftones, Biggi í Dimmu, Andri Freyr, Frosti Logason, Jón Ólafsson vatnskóngur, Ósk Gunnarsdóttir, Þorsteinn Stephensen, Kaleo, Danni (í Maus) og margir fleiri.

Í dag fer þúsundasti þáttur Rokklands í loftið og gestir þáttarins eru þau Nanna og Raggi úr hljómsveitinni Of Monsters And Men. Músíktilraunir 2016 eru hafnar - hófust í gærkvöldi í Norðurljósum í Hörpu og þess vegna fannst mér passa að 1000asti þátturinn fjallaði um þá sigursveit Músíktilrauna sem hefur náð lengst - Of Monsters And Men sem spilaði einmitt á tónleikum í Jóhannesarborg í S-Afríku í gærkvöldi. Hljómsveitin var í frí hérna heima á Íslandi í kringum jól og áramótin og ég fékk þau Nönnu og Ragga til að heimsækja mig og segja mér sögur af ævintýrum sínum og ferðalögum og frá lögunum af nýjustu plötunni; Beneath the skin sem kom út í fyrra, fyrir Rokkland. Eitt laga plötunnar, Wolves without teeth situr í dag í toppsæti vinsældalista Rásar 2. Rokkland hefur verið á dagskrá vikulega - fyrir utan þriggja mánaða hlé í fyrra, síðan haustið 1995. Þátturinn var klukkutími fyrst um sinn og var á laugardögum, en lengdist svo um helming og hefur verið á þessum tíma eftir 4 fréttir á sunnudögum mjög lengi. Þátturinn hefur breyst dálíitð í gegnum tíðina en hugmydin hefur samt alltaf verið sú sama; músík-magasín í útvarpi ? þáttur um tónlist og tónlistarfólk þar sem sögurnar af fólkinu eru í aðalhlutverki.ti þáttur Rokklands í loftið og gestir þáttarins eru þau Nanna og Raggi úr hljómsveitinni Of Monsters And Men. Músíktilraunir 2016 eru hafnar - hófust í gærkvöldi í Norðurljósum í Hörpu og þess vegna fannst mér passa að 1000asti þátturinn fjallaði um þá sigursveit Músíktilrauna sem hefur náð lengst - Of Monsters And Men sem spilaði einmitt á tónleikum í Jóhannesarborg í S-Afríku í gærkvöldi. Hljómsveitin var í frí hérna heima á Íslandi í kringum jól og áramótin og ég fékk þau Nönnu og Ragga til að heimsækja mig og segja mér sögur af ævintýrum sínum og ferðalögum og frá lögunum af nýjustu plötunni; Beneath the skin sem kom út í fyrra, fyrir Rokkland. Eitt laga plötunnar, Wolves without teeth situr í dag í toppsæti vinsældalista Rásar 2. Rokkland hefur verið á dagskrá vikulega - fyrir utan þriggja mánaða hlé í fyrra, síðan haustið 1995. Þátturinn var klukkutími fyrst um sinn og var á laugardögum, en lengdist svo um helming og hefur verið á þessum tíma eftir 4 fréttir á sunnudögum mjög lengi. Þátturinn hefur breyst dálíitð í gegnum tíðina en hugmydin hefur samt alltaf verið sú sama; músík-magasín í útvarpi ? þáttur um tónlist og tónlistarfólk þar sem sögurnar af fólkinu eru í aðalhlutverki.

Lifun í 45 ár - Árið 2009 gaf SENA út bók sem heitir 100 bestu plötur Íslandssögunnar. Þeir sem skrifuðu voru Jónatan Garðarsson og Arnar Eggert Thoroddsen og bókin fjallar um 100 bestu hljómplötur Íslandssögunnar. Listinn sem þeir unnu eftir var settur saman af stórum hópi fólks úr íslenska músík-bransanum og með kosningu almennings. Ágætis byrjun með Sigur Rós frá árinu 1999 lenti í fyrsta sæti á þessum lista en í öðru sæti er platan Lifun með hljómsveitinni Trúbrot sem kom út 29. Júní árið 1971. Hér er topp 10 listinn: 1. Ágætis byrjun ? Sigur Rós 2. Lifun ? Trúbrot 3. Á bleikum náttkjólum ? Megas & Spilverk þjóðanna 4. Hinn íslenzki þursaflokkur ? Þursaflokkurinn 5. Sumar á Sýrlandi ? Stuðmenn 6. Debut ? Björk 7. Gling Gló ? Björk & Tríó Guðmundar Ingólfssonar 8. Ísbjarnarblús - Bubbi Morthens 9. Með suð í eyrum við spilum endalaust ? Sigur Rós 10. Sturla ? Spilverk þjóðanna Lifun verður 45 ára núna í sumar og af því tilefni voru haldnir tónleikar í Eldborg fyrir skemmstu þar sem platan var spiluð í heild sinni af landsliði tónlistarmanna og söngvara í bland önnur lög Trúbrots. Sérstakir gestir voru þeir Magnús Kjartansson og Gunnar Þórðarson Trúbrotsmenn og Shady Owens sem var fyrsta söngkona hljómsveitarinnar Þetta verður endurtekið næsta laugardag og þá hljóðritað fyrir Rás 2. Hér má kynna sér það betur. En fyrir 25 árum síðan, um páskana, var haldið upp á 20 ára afmæli Lifunar með þremur þáttum hér á Rás 2. Þær Andrea Jónsdóttir og Lísa Pálsdóttir sáu um þá þátagerð og Rokkland í dag er að miklu leyti byggt á Þessum 25 ára gömlu þáttum ? með góðfúslegu leyfi þeirra Lísu og Andreu. Við heyrum alla liðsmenn Trúbrots segja frá Lifun en í dag eru þrír af þeim fallnir frá - þeir Karl Sighvatsson orgelleikari, trommarinn Gunnar Jökull og bassaleikarinn og söngvarinn Rúnar Júlíusson. Með þeim voru í Trúbrot á Lifunartímanum þeir Gunnar Þórðarson (gítar, söngur ofl) og Magnús Kjartansson (söngur og píanó). Þetta voru ungir menn, stútfullir af metnaði og það skilaði sér á Lifun.

Tónlistarheimurinn hefur hreinlega farið á hliðina síðustu vikurnar eftir að David Bowie féll frá, 69 ára aða aldri. Fólk hefur keppst við að mæra hann, allskyns fólk, tjónrmálamenn og aðrir tónlistarmenn. Marilyn Manson lét t.d. hafa það eftir sér að líf hans hafi hreinlega breyst þegar hann heyrði plötuna Scary Monsters á sínum tíma. Plöturnar hans seljast sem aldrei fyrr og þessa vikuna á hann 5 af 10 mest seldu plötunum í Bretlandi. En ekki nóg með það heldur á hann 12 plötur á topp 40 og af 80 mest seldu plötunum á hann 18 stykki. Elvis er sá eini sem hefur átt 12 plötur í einu á topp 40, en það gerðist einmitt eftir að hann lést árið 1977. En svona lítur Bowie vinsældalistinn breski út þessa vikuna. 01 - BLACKSTAR (2016) 03 - BEST OF BOWIE (2002) 05 - NOTHING HAS CHANGED - THE VERY BEST OF DAVID BOWIE (2014) 09 - HUNKY DORY (1971) 10 - THE RISE AND FALL OF ZIGGY STARDUST (1972) 20 - ALADDIN SANE (1973) 27 - LOW (1977) 28 - "HEROES" (1977) 30 - DIAMOND DOGS (1975) 31 - THE NEXT DAY (2013) 32 - STATION TO STATION (1976) 36 - SCARY MONSTERS (1980) 42 - LET'S DANCE (1983) 43 - YOUNG AMERICANS (1975) 52 - THE MAN WHO SOLD THE WORLD (1970) 63 - PIN UPS (1973) 66 - LODGER (1979) 79 - SPACE ODDITY (1969) Í þessum öðrum þætti af þremur skoðum við tímabilið frá 1973 til 1987 í lífi Bowie, en á þessum árum var Bowie allt í senn; tilraunaglöð fyrirmynd, unglinga-ídol og rokkstjarna. Bowie segir sjálfur frá einu og öðru. Tony Visconti upptökustjóri og vinur kemur við sögu, en hann er einn nánasti samstarfsmaður Bowie frá upphafi og allt til enda. Hann var með honum á "fyrstu" plötunni ? Space Oddity 1969, The Man who Sold the World, Low, Heroes, Lodger, Scary Monsters and Super Creeps, Young Americans og líka á Black Star og plötunum þremur þar á undan. Mike Garson píanóleikari Bowie´s allar götur frá 1973 og þar til hann steig síðasta á svið verður á línunni í þættinum og talar um tímana þegar hann var með Bowie í Philadelphia að taka upp Young Americans og um Diamond Dogs túrinn ofl. Svana Gísladóttir sem býr í London og gerði myndböndin við lögin Black Star og Lazarus með Bowie stuttu áður en hann lést kemur líka við sögu, og eins Ragnheiður Hanson sem féll 13 ára gömul fyrir manninum og söngvaranum og stóð síðar að hans einu heimsókn til Íslands ? tónleikunum í Laugardalshöll 1996. Björn Jörundur úr NýDönsk segir frá í þættinum, en hann jeillaðist 8 ára gamall af David Bowie og það eina sem hann óskaði sér í afmælishjöf þegar hann var 9 ára var nýja platan frá David Bowie - platan Lodger. Fyrsti þátturinn um

....eins og listaverk í sjálfu sér. Við erum auðvitað að tala um David Bowie sem lést tveimur dögum eftir að varð 69 ára og sendi frá sér nýjustu plötuna sína - Black Star. Tónlist hefur svo mikil áhrif á okkur á allan mögulegan hátt, og þó svo David Bowie hafi ekki þekkt mig og þig ? þá þekktum við hann. Hann söng okkur í svefn og í stuð. Við höfum dansað með honum ? við sáum hann í bíó, sáum hann í Skonrokki og á MTV, heyrðum í honum í útvarpinu, sáum hann á tónleikum. Við fylgdumst með hans sí-kviku hreyfingum og dáðumst að honum í BRAVO og límdum myndir af honum upp á vegg á Akranesi, Akureyri og í Keflavík. Hann var vinur okkar....þó svo hann hafi ekki þekkt okkur...þannig. Í þessum fyrri þætti af tveimur skauta ég yfir síðustu 10 árin í lífi Bowie og síðan fyrstu árin. Bowie segir sjálfur frá einu og öðru, Tony Visconti upptökustjóri og vinur kemur við sögu, en hann er einn nánasti samstarfsmaður Bowie frá upphafi og allt til enda. Hann var með honum á "fyrstu" plötunni - Space Oddity 1969 og líka á Black Star. Svana Gísladóttir sem býr í London og gerði myndböndin við lögin Black Star og Lazarus með Bowie stuttu áður en hann lést kemur líka við sögu, og eins Ragnheiður Hanson sem féll 13 ára gömul fyrir manninum og söngvaranum og stóð síðar að hans einu heimsókn til Íslands - tónleikunum í Laugardalshöll 1996. Og svo er það auðvitað tónlistin - maður lifandi!

Allar götur síðan 1997 hefur Rokkland boðið upp á sérstakan jólaþátt og hann er einmitt í dag þetta árið. Í fyrsta þættinum fyrir öllum þessum árm var þetta eki mikið mál, það var eki svo erfitt að safna saman bunka af skemmtilegum og svolítð „öðruvísi“ jólalögum sem ekki högfðu verið spiluð mikið í útvarpið þann desemberinn, en með hverju árinu sem líður verður þetta meira og meira mál - fyrst og fremst vegna þess að starfsfólk Rásar 2 er meðvitaðra um jólamúsíkina sem er til og það sem heyrist í útvarpinu í dag er miklu fjölbreyttara en það var áður. Það er búið að vera mikið af jólamúsík á Rásinni um jólin sem þýðir að þetta er heilmikil áskorun fyrir mig að bjóða upp á eitthvað JÓLA ? þriðja í jólum sem fólk nennir hugsanlega að hlusta á. En ég ætla í Jóla-Rokklandi í dag að bjóða upp á Blind Boys of Alabama, The Flaming Lips ? Wayne Coyne verður líka á línunni og segir frá jólalaginu þeirra; A change at christmas, say it isn´t so. Við heyrum Gene Autry syngja um mömmu sína og jólasveinin, Eddie Cochran og The Holly Twins syngja um Elvis og jólin. Við heyrum lög af nýrri jólaplötu Kylie Minogue, Mary Gauthier um jólin á götunni, John Prine syngur um jólin þegar kærastan yfirgaf hann, Teinar um jólin þegar María mín fór, Willie Nelson syngur um jólin í ræsinu, og Johnny Cash um jesúbarnið, Neil Young og Pegi fyrrum eiginkona hans um jólabjöllurnar í Frakklandi, Chrissie Hynde syngur gamlan jólasálm og Tim Wheeler úr írsku hljómsveitinni Ash syngur um uppvakningajól og jólin á brimbretti. John Travolta og Olivina Newton John taka lagið líka, Lou Rawls og Ramones.

Í Rokklandi dagsins skoðum við tenginguna milli Hjálpum þeim (desember 1985), Do the know it´s christmas (desember 1984) og We are the world (mars 1985). Í seinni hluta þáttarins er gítarleikarinn ? gítarhetjan og tónlistarmaðurinn Guðmundur Pétursson gestur Rokklands, en hann spilaði t.d. 16 Baggalútstónleika núna í desember, hann túraði um heiminn á árinu með hinum norska Erlend Oye og hann var líka að gefa út sína þriðju sólóplötu. Hún heitir Sensus og hefur að geyma instrumental músík, sem er alls ekki bara gítarmúsík. Heyrum í Gumma Pé sem sló í gegn á einu kvöldi á Músíktilraunum árið 1987, aðeins 14 ára gamall. Í Fyrri hlutanum kemur í heimsókn annar gítar-maður ? allt öðruvísi en Gummi Pé, nefnilega götuspilarinn JoJo sem fólk kannast við ef það er á rölti í Austurstræti á kvöldin og sérstaklega um helgar. Þar situr hann oftar en ekki með gítarinn, í úlpunni, með grifflur og húfu og trefil og syngur fyrir fólkið ? veitir samfélagsþjónustu eins og hann segir sjálfur. Jojo spilaði einu sinni með Bruce Springsteen, heyrum af því og lífinu í götunni í Rokklandi í dag.

Helgi Björns er gestur Rokklands í dag. Hann sendi nýlega frá sér plötuna Veröldin er ný en hún er fyrsta platan hans með frumsömdu efni í heil 18 ár. Helgi segi okkur hvers vegna svona langur tími hafi liðið milli platna, en þessa nýju plötu gerði hann með ungum mönnum sem hann hafði ekki unnið svona náið með áður. Guðmundur Óskar Guðmundsson (Hjaltalín) samdi flest laganna með Helga og megmið af textunum samdi Helgi með Atla Bollasyni sem var á sínum tíma hljómborðsleikari í Sprengjuhöllinni. Helgi vakti mikla athygli þegar hann byrjaði að syngja með hljómsveitinni Grafík fyrir 30 árum. Hann sló eiginlega í gegn á einni nóttu þessi svipmikli gaur frá Ísafirði. Hann hætti svo í Grafík eftir að hafa gert tvær plötur með sveitinni og stofnaði nýja hljómsveit sem var gefið nafnið Síðan skein Sól sem breyttist svo í SSSÓL. Helgi gaf svo út sólóplötu 1997 og síðan hefur hann verið að leika og syngja, er búinn að gefa út slatta af plötum þar sem hann hefur verið að syngja lög eftir aðra yfirleitt. Plata með lögum Magnúsar Eiríkssonar, plata með lögunum sem Haukur Morthens söng og svo reiðmannaplöturnar. Nýja platan hefur vakið taslverða athygli og Andrea Jóns og Arnar Eggert gáfu henni t.d.fína einkun.

Í Rokklandi á sunnudaginn. Hann talar fyrst og fremst um nýju plötuna - 18. konur sem fjallar meira og minna öll um konur. Það eru líka konur sem spila með honum á plötunni - eingöngu konur. Þær kalla sig Spaðadrottningarnar og eru Ingibjörg Elsa Turchi sem spilar á bassa, Brynhildur Oddsdóttir á gítar, Sólrún Mjöll Kjartansdóttir á trommur og Margrét Arnardóttir á harmonikku. Við Bubbi ræðum í þættinum um konur, plötuna, Spaðadrottningarnar, trúmál, höfundarétt, netið, Spotify, Úlfur Úlfur, nauðganir, Múhameð og Guð, um rafmagnsgítara, réttarkerfið, hefndarklám, Drekkyngarhyl og drauma, um Joy Divison, ríka fólkið, ljóðabækur, Múslima og flóttafólk, útgefendur og ýmislegt fleira. Bubbi Morthens kom inn íslenskt tónlistarlíf eins og stormsveipur árið 1980 ? þetta er gömul klisja að orða hlutina svona en hún er svo innilega sönn í tilfelli Bubba. Síðan þá hefur hann ekki látið okkur í friði ? hann er búinn að gera fleiri lög og plötur en allir aðrir íslendingar. 8 konur er 28. sólóplatan hans og þá eru plöturnar með hljómsveitunum hans ekki teknar með ? Utangarðsmanna-plöturnar, Egó-plöturnar, Das Kapital, GCD-plöturnar og ekki tónleikaplöturnar eða safnplöturnar. Bubbi hefur skrifað bækur ? barnabækur og veiðibækur, og núna síðast ljóðabók sem hefur slegið í gegn. Hann bloggar, hann stýrir útvarpsþáttum og sjónvarpsþáttum - hann er yfir og allt um kring og allt of fyrirferðarmikill finnst mörgum - en sumir fá aldrei nóg af þessum Bubba.

Jeff Lynne úr E.L.O er maður vikunnar í Rokklandi og þátturinn er næstum allur helgaður honum. Ein stærsta tónlistarfrétt vikunnar og kannski ársins er að það var að koma út ný plata með E.L.O. ? Electric Light Orchestra. Platan kemur út undir nafninu Jeff Lynne´s E.L.O. en Jeff Lynne hefur frá upphafi, frá árinu 1971 verið forsprkakki E.L.O. Hann er E.L.O. og E.L.O. er hann. Hann semur öll lögin, hann útsetur, spilar allt, syngur allt og allt sem E.L.O. stendur fyrir hefur orðið til í höfðinu á honum. E.L.O. er ein af stærstu og þekktustu og vinsælustu hljómsveitum popp og rokksögunnar, hefur selt meira en 50 milljónir platna, topp-40 lögin í Bretlandi eru 25 og nýja platan er 14. stúdíó-platan. Síðasta E.L.O. plata kom út 2001, heitir Zoom og vakti enga sérstaka athygli, náði 94. sæti Bandaríska vinsældalistans og það þrátt fyrir að þar voru tveir Bítlar gestir, George og Ringo. Síðasta plata E.L.O. þar á undan kom út 1986, 15 árum fyrr, og nú eru 14 ár frá 2001, tvær plötur á 30 árum og það er nú ekkert sérlega mikið. Jeff Lynne hefur aldrri verið mikið fyrir það að spila á tónleikum og það eru ýmsar ástæður fyrir því sem farið er í í þættinum. En nú er þetta allt að breytast, það er mikill spenningur fyrir plötunni sem heitir Alone in the Universe. Hún stökk beinustu leið í 4. sæti breska vinsældalistans og í 1. sæti vinyl-sölu listans. Og svo ætlar E.L.O að fara að túra líka en það hefur sveitin ekki gert líklega síðan 1986. Jeff segir sjálfur frá samstarfinu við Bítlana í þættinum, talar um vini sína Bob Dylan, Royu Orbison. Tom Petty, George Harrison, Roy Wood ofl. Talar um vinnuna og E.L.O. og allt mögulegt auk þess sem ég skauta yfir ferilinn - líka það sem Jeff hefur gert með öðrum tónlistarmönnum en hann er einn eftirsóttasti upptökustjóri heims og hefur gert plötur með mörgum af þeim bestu. Bítlarnir eru líklega toppurinn en það var einmitt Jeff sem var fenginn til að gera Bítlalögin Free as a bird og Real love uppúr gömlum kassettu upptökum sem Lennon gerði, þegar Beatles Anthology kom út 1995. David Bowie sendi svo frá sér nýtt lag í vikunni og það setti músíkpressuna næstum á hliðina. Lagið er fyrsta smáskífa væntanlegrar plötu sem kemur út á afmælisdaginn hans næsta (8. janúar) en þá verður Bowie 69 ára gamall. Og hann er ennþá með ? og miklu meira en það. Hann fékk hjartaáfall í miðri tónleikaferð árið 2004 og hefur síðan þá haft frekar hægt um sig. Hefur þó komið fram sem gestur á nokkrum plötum og stigið á svið einstaka sinnum sem gestur. Hann sendi síðast frá sér plötu fyrir tveimur árum

Rokkland vikunnar er helgað nokkrum náungum sem eiga það sameiginlegt að hafa slitið barnsskónum fyrir margt löngu. Einn í Winnipeg í Kanada, Einn í Cass County í Texas, einn í Vestmannaeyjum, einn í Sheffield og einn á Norður-Englandi nálægt Newcastle. Fyrsti gesturinn er Richard Hawley frá Sheffield, 48 ára gamall gítarleikari, söngvari, lagasmiður og upptökustjóri svo eitthvað sé nefnt. Hann á marga aðdáendur á Íslandi þó það fari kannski ekki svo mikið fyrir þeim. Hann sendi nýlega frá sér plötuna Hollow Meadows og við heyrum lög af henni auk þess sem við rifjum upp símaviðtal sem ég átti við hann þegar síðasta plata kom út fyrir þremur árum. Svo er það Don Henley ? trommari og söngvari úr Eagles. Sá sem syngur Hotel California. Hann er orðinn 68 ára gamall og var að senda frá sér fyrstu plötuna í 15 ár. Hún heitir Cass County eftir gömlu sveitinni sem hann ólst upp í - í Texas. David Fricke hjá Rolling Stone gaf plötunni 4 stjörnur af 5. Við heyrum af plötunni og lög af henni í þættinum. Brian Johnsson söngvari AC/DC kemur líka við sögu, en hann er jafnaldri Don Henley. Eiður Arnarsson fyrrum útgáfustjóri hjá Skífunni og Senu skrifaði áhugaverðan pistil um tónlist á netinu ? tekjumöguleika tónlistarmanna í dag miðað við áður ofl. Eiður er tónlistarmaður (bassaleikari Todmobile), tónleikahaldari, framkvæmdastjóri Félags hljómplötuframleiðenda og starfar einnig við stafræna dreifingu tónlistar. Í greininni segir hann ma: "Tónlistin er líklega sú listgrein sem við getum fæst lifað án. Hún er alltumlykjandi. Hún er hljóðrás lífs okkar flestra. Framtíð íslenskrar tónlistar er best tryggð með því að neyta hennar og njóta löglega, á þann hátt sem tryggir réttlátt endurgjald til handa þeim sem skapa hana". Eiður heimsækir Rokkland. Svo heyrum við undir lok þáttarins í afmælisbarni vikunnar ? STÓR-afmælis-kalli vikunnar ? Neil Young sem, varð sjötugur í vikunni.

okkland er að sjálfsögðu helgað Iceland Airwaves að þessu sinni, en hátíðin fer fram núna um helgina í 16. sinn. Iceland Airwaves fór og fer fram núna um helgina í 16. sinn ? 9.000 manns voru með armband á hátíðina ? miklu fleiri útlendingar en Íslendingar.. Tónleikarnir sem hafa farið fram um helgina víðsvegar um borgina eru næstum 1000 talsins, on og OFF-venue eins og það er kallað. Rás 2 er búin að taka upp næstum 30 hljómsveitir um helgina og við heyrum tóndæmi frá nokkrum þeirra í dag, þeas upptökur frá hátíðinni með: Júníusi Meyvant, Vök, Father John Misty, John Grant og Sinfó, Mána Orrasyni, Axel Flóvent, Agent Fresco: Mercury Rev, Hjaltalín ofl. Við heyrum líka viðtöl við mikið af þessu fólki. Ég ætla líka að minnast eins af frumkvöðlunum í þættinum, en Ásgeir Bragason trommuleikari úr Purrki Pillnikk lést á dögunum aðeins 55 ára gamall.

Í Rokklandi vikunnar er Eivør Pálsdóttir í aðalhlutverki í bland við létta hryllingsmúsík á Hrekkjavöku og nýjustu fréttir af Phil Collins. Eivør var að senda frá sér 10undu plötuna sína. Hún heitir Slör og er öll sungin á færeysku. Slør er systurplata síðustu plötu, Bridges, sem kom út fyrr á árinu. "Á meðan ég var að skrifa lögin komu textarnir til mín bæði á ensku og færeysku - líkt og spegilmyndir. Flest lögin voru því skrifuð í pörum". segir Eivør. Slør og Bridges er því í senn ein heild og tvær mjög ólíkar plötur. Eivør segir betur frá þessu og ýmsu öðru í Rokklandi. Halloween eða Hrekkjavaka er alltaf.31. október. Halloween kemur frá Keltum og á Halloween eru mörk heima hinna lifandi og hinna dauðu óljósari en aðra daga og þá fara draugar og óvættir á stjá. Í tilefni Hrekkjavöku verður boðið upp á örlítið af léttri og skemmtilegri hryllingsmúsík og textar skoðaðir sérstaklega. Kven-djöflar koma við sögu. Og svo er eitt og annað að frétta af Phil Collins. Við förum yfir það líka, en hann sagði skilið við tónlistarheiminn fyrir fjórum árum. Hvers vegna? Er hann með bakþanka? Það er nú það - hlustaðu bara á Rokkland á morgun kl. 16.05.

Rokkland vikunnar er eitt af fjölmörgum upphitunarnúmerum Iceland Airwaves 2015 sem fer fram vikuna 4.-8. nóvember nk. Auk allra íslensku hljómsveitanna sem koma þar fram eru erlendu böndin 72 talsins. Grímur Atlason sem er framkvæmdastjóri hátíðarinnar kemur í heimsókn með 5 hljómsveitir og listamenn sem hann segir okkur frá og spilar tóndæmi með. Allt eru þeta hljómsveitir og listamenn sem honum þykir ástæða til að mæla sérstaklega með. VIð heyrum líka í fleiri erlendum sveitum sem koma á Airwaves, öðrum en Grímur mælir með - .t.d. bönd sem Rokkland mælir með. Sumar af þessum sveitum spila líka á Off-venue dagskránni þannig að allir ættu að geta séð og heyrt ef þeir bara komast að heiman og dántán Reykjavík rokk-city. Söngkonan Adele kemur líka við sögu, en hún sendi fyrir helgina frá sér nýtt lag, (Hello) það fyrsta í 4 ár og það er plata væntanleg í nóvember. Hún mun heita 25 en Adele er 27 ára. Er hún að þykjast vera yngri en hún er? Hinar plöturnar hennar tvær heita 19 og 21. Rokkland býður svo líka upp á örlítið af tónleikaupptökum frá fyrri Airwaves hátíðum.

Arnar og Helgi sem eru Úlfur Úlfur eru gestir Rokklands á sunnudaginn. Þeir eru frá Sauðarkróki, voru saman í hljómsveitinni Bróðir Svartúlfs semsigraði í Músíktilraunum árið 2009. Bróðir Svartúlfs gaf út eina plötu en liðaðist síðan í sundur. Arnar og Helgi héldu áfram að gera músík, eru í dag tveir eftir og önnur platan þeirra, Tvær plánetur hefur heldur betur slegið í gegn. Þeir tala um æskuna á Sauðarkróki, um Músíkítilraunir, Tom Waits, Eminem, Ace of Base og þráhyggjuna. það er hiti í rappsenunni í dag, líklega meiri en verið hefur í næstum 15 ár. Úlfur Úlfur kemur fram á Airwaves og ég ætla líka að kynna til sögunnar nokkur af erlendu nöfnunum sem koma fram á Airwaves í ár. Þátturinn hefst svo á umfjöllun um hár-metal-plötunur.

Jón Ólafsson og Futuregrapher og Keith Richards eru í aðalhlutverki í Rokklandi dagsins. Platan EITT með þeim Jóni Ólafssyni úr Ný Dönsk og raftónlistarmanninum Futuregrapher sem kom út núna á dögunum hfur vakið mikla athygli. Hún vakti líka athygli mína og þess vegna hlustaði ég á plötuna og bað þá Jón og Tálknfirðinginn Árna Grétar sem er nafn Futuregrapher, í kjölfarið um að heimsækja Rokkland. Við heyrum í þeim og lög af plötunni í þætti dagsins. Keith Richards verður 72 ára í desember. Ég held að það sé útbreidd og almenn skoðun að það sé mjög skrýtið að maðurinn skuli vera á lífi, að hann sé ekki löngu dauður eftir allan ólifnaðinn, brennivínið, dópið, grasið og sígaretturnar. En áfram skröltir hann þó og núna í september var þriðja sólóplatan hans að koma út. Hún heitir Crosseyed Heart og um hana hefur veruð talsvert fjallað í músíkpressunni um allan heim. Hún hefur líka náð hærra á vinsældalistum en hinar plöturnar hans tvær (Talk is cheap 1988 og Main Offender 1992). Hún náði t.d. alla leið í fyrsta sæti í Austurríki og í Argentínu. Ég ætla að spila lög af öllum sólóplötunum hans hérna á eftir og svo heyrist aðeins í honum sjálfum, og Rolling Stones líka. Biggi Hilmars og Lennon, og Morrissey koma líka við sögu.

Þar sem Soul tónlistin varð til og þar sem menn semja við Kölska á krossgötum. Í þættinum fyirir hálfum mánuði fjallaði ég um ferðina frábæru sem ég fékk að fara með í til Ameríku á dögunum; Að rótum rytmans, með félögum úr FTT (Félag tónskálda og textahöfunda) í tilefni af 30 ára afmæli félagsins sem var reyndar fyrir tveimur árum. Það var farið að rótum rytmans, að rótum rytmískrar tónlistar. VIð erum að tala um kántrí, blús, Soul, rokk og jazz. Heimsóttar tónlistarborgirnar Nashville þar sem kántríið á heima,Memphis þar sem rokkið fæddist með Elvis og Jerry Lee, og svo Soul-ið, Clarksadale þar sem Robert Johnson samdi við sjálfan Kölska á krossgötum, og svo New Orleans þar sem Lois Armstrong og Jazzinn urðu til. Í Rokklandi dagsins heyrum við í systrunum, dætrum Willy Mitchell sem eiga og reka Royal studios í Memphis, en þar hljóðriotaði Al Green mikið á sínum tíma, Keith Richards tók upp fyrstu sólóplötuna plötuna sína og Bruno Mars tók upp Uptown Funk í fyrra. Þar hljóðritaði íslensk súpergrúppa sem sett var saman í ferðinni tvö lög, þar af annað sem samið var á staðnum af Bragi Valdimas Skúlasyni. Í súpergrúppunni Nærsveitamenn eru meðlimir út Sálinni, Stuðmönnum, Hjaltalín, Brimkló og Rokksveit Rúnna Júl. Þessi lög hljóma í þættinum og hugsanlega aðeins í þetta eina sinn. Bill Luckett bæjarstjóri blúsbæjarins Clarksdale kemur við sögu líka. Hann segir okkur m.a. frá blúsmanninum Robert Johnson sem menn eins og Keith Richards og Eric Clapton segja að sé upphafsmaður alls. Án hans væri ekkert rokk. Og Sálar bræðurnir Stebbi og Gummi úr Sálinni hans Jóns Míns segja okkur frá SOULinu, í STAX í Memphis.

Rokkland var á Reeperbahn Festival í Hamborg um helgina þar sem 5 íslenskar hljómsveitir voru auk tæplega 250 annara frá öllum heimshornum. Ryan Adams var að gefa út sína útgáfu af metsöluplötu kántrí-popp-stjörnunnar Taylor Swift, 1989 sem kom út í fyrra. Um þetta verður fjallað í Rokklandi. Íslensku hljómsveitirnar sem komu fram á Reeperbahn Festival um helgina eru Mammút, Júníus Meyvant, Agent Fresco, Sóley og Vök. Við heyrum í þessu fólki öllu nema Sóley í Rokklandi dagsins. Reeperbahn er hátíð ekki ósvipuð Iceland Airwaves. Þetta er borgarhátíð, haldin í Hamborg í Þýskalandi. Hátíðin stendur í fjóra daga. Hellingur af hljómsveitum sem spila á kvöldin og á daginn er ráðstefna. Á hverju ári er ein þjóð eða eitt land í brennidepli g kynnt sérstaklega og í ár var það Finnland. Við heyrum í nokkrum finnskum hljómsveitum í dag, nöfnum eins og LCMDF, Lapko og K-X-P. En þátturinn hefst á Ryan Adams sem var að gefa út sína útgáfu af metsöluplötu Taylor Swift sem hún gaf út í fyrra. Hann tók alla plötuna upp með sínu nefni og gerði hana að sinni. En hvers vegna? Þið fræðist um það með því að hlusta á þáttinn, en platan hefur fallið í góðan jarðveg. En Taylor Swift er fædd árið 1989, 25 ára gömul og ein skærasta poppstjarna bandaríkjanna í dag, búin að vera það í nokkur ár. Kántrí-popp-stjarna. Hún er frá smábænum Wayomissing í Pennsylvaniu en 14 ára gömul flutti hún þaðan og til Nashville þar sem allt er að gerast í músíkinni. Það stóð aldrei annað til hjá henni en að "MEIKAÐA" sem kántrísöngkona. Hún er yngsti listamaðurinn/lagahöfundurinn sem hefur verið á samningi hjá SONY/ATV Music Publishing House fyrirtækinu og þegar hún var 17 ára kom fyrsta platan hennar út. Eitt laganna þar fór alla leið í fyrsta sæti kántrí-listans í Ameríku og hún er yngsti tónlistamaðurinn í sögunni til að koma lagi á toppinn á kántrílistanum. Heyrum meira um þetta á eftir.

Rokkland leiðir hlustendur að þessu sinni um rætur hryntónlistarinnar í tónlistarborgunum Nashville og Memphis, en umsjónarmaður slóst í för með félögum úr FTT (Félag tónskálda og textahöfunda) til landsins sem gaf okkur rokk, soul, kántrí, fönk, jazz og blús. Rúmlega 40 manna hópur tónlistarmanna, maka þeirra og vina lagði upp í ferðalag til Ameríku fyrir rúmri viku í þeim tilgangi að komast að rótum rytmans eins og fararstjórinn, Jakob Frímann Magnússon orðaði það svo skemmtilega. Í Nashville var farið í Country Music Hall of Fame og síðan í Creative Workshop Recording hljóðverið þar sem tekið var upp nýtt lag sem varð til í þar og þá. Þaðan var haldið niður til Memphis þar sem byrjað var á að heimsækja Jack White í Third Man Records og síðan sjálfan Elvis í Graceland. Daginn eftir var farið í STAX museum þar sem sálartónlistin varð til á sjöunda áratugnum og svo Sun hljóðverið þar sem Elvis, Jerry Lee Lewis og Johnny Cash hófu ferilinn. Þaðan var svo farið í Royal studios, hljóðver sem hefur verið í eigu sömu fjölskyldunnar síðan 1956. Þar tók Keith Richards upp fyrstu sólóplötuna sína, þar hefur Mark Ronson unnið talsvert á undanförnum árum og sumarsmellur Bruno Mars, Uptown Funk, var tekinn upp þar. Súpergrúppa var sett saman í ferðinni sem samanstóð af hljómborðsleikara Stuðmanna, gítarleikara Sálarinnar, bassaleikara og píanóleikara Hjaltalín og trommara Deep Jimi & The Zep Creams og rokksveitar Rúnna Júl. Með sveitinni sungu svo söngvarar Sálarinnar, Baggalúts og Stuðmanna auk Björgvins Halldórssonar. Nokkur lög voru hljóðrituð í ferðinni, ný lög sem Bragi Valdimar Skúlason setti saman; Mojo og Hjartað mitt, og Björgvin Halldórsson hljóðritaði lagið sem Elvis söng fyrir Sam Phillips í Sun hljóðverinu 1956, That´s allright mama. Frá Memphis var svo haldið til Clarksdale þar sem blúsinn varð til, farið á Krossgöturnar sem sagan segir að blúsmaðurinn Robert Johnson hafi gert samning við sjálfan kölska, en Johnson varð afburðar-gítarleikari á aðeins nokkrum mánuðum og það gat hann ekki þakkað neinum öðrum en sjálfum myrkrahöfðingjanum sem tók sál hans í staðinn. Robert Johnson er ein helsta fyrirmynd manna eins og Eric Clapton og Keith Richards lést aðeins 27 ára gamall og lögin hans 29 sem voru hljóðrituð hafa verið hljóðrituð aftur og aftur og aftur í gegnum tíðina ? hann lést árið 1938. Við komum líka við á Ground Zero blúsklúbbnum í Clarksdale sem þeir eiga saman leikarinn Morgan Freemann og bæjarstjórinn í Clarksdale, Bill Luckett, en hann er auðvitað vinur fararstjórans, Jack Magnet. Á leiðinni var r